【宋宋CP結婚】宋仲基宋慧喬婚禮盛況曝光 新人讀誓詞好感動

宋仲基宋慧喬已經行完禮喇！（網上圖片）

宋仲基宋慧喬啱啱已經成為正式夫婦喇！宋宋今日於韓國時間下晝3點許現身，兩人拖實手喺首爾新羅酒店迎賓館門口一路步入婚禮現場，來賓都拍晒手又影底兩人進場一刻。宋仲基除咗望實宋慧喬之外，仲有同來賓點頭以表謝意，同時宋宋都一定接收到所有來賓以及粉絲們的祝福！

宋仲基宋慧喬步入婚禮現場笑得非常開心。（網上圖片）

宋仲基不時對住宋慧喬甜笑。（網上圖片）

宋仲基不時對住宋慧喬甜笑。（網上圖片）

接受完一眾來賓的祝福後，仲基oppa同喬妹上台先後讀出誓詞。不過比起宋慧喬，宋仲基嘅心情就似乎較為激動，手持咪的宋仲基未讀出誓詞已經激動流淚，宋仲基用手背拭淚，再用紙巾擤鼻涕，還有坐在台下的宋仲基爸爸都有拎出手巾擦眼淚，就知道宋仲基終於成家立室同娶到宋慧喬有幾咁開心同埋激動啦！

隨即就到宋慧喬對着宋仲基念出愛的誓詞，宋仲基更情深眼定望着宋慧喬，不時又露出甜笑，幸福滿溢。