【韓流】當你沉睡時 劇組好感情 秀智 李鍾碩齊齊坐扮花賣萌

韓國「國民初戀」秀智本身所屬嘅女團miss A噚日宣佈解散，雖然粉絲大感不捨，但近年miss A已經分開活動，散解都係意料中事。而秀智嘅前中國隊友Jia及Fei都有喺微博發文提到組合解散嘅感受，不過秀智就似乎冇咩表示，噚晚更開心地與《當你沉睡時》劇組台前幕後飯聚。

有份演出《當你沉睡時》嘅男星丁海寅及李相燁，今日凌晨分別喺Instagram上載眾人嘅合照，劇中兩位主角秀智、李鍾碩都有出席，可見劇組眾人感情都十分好，而秀智及李鍾碩更坐埋一齊，影相時又托腮扮花賣萌，獲粉絲大讚可愛。

另外，雜誌《Instyle》噚日喺IG公開秀智為護膚品牌拍攝新相時嘅花絮短片，短片中秀智聞歌起舞，加上陽光嘅照射，顯得仙氣十足。